الأحد، 25 ديسمبر، 2011

على صوتك ( 2 )




* استكمالا للتعبير عما يدور من حولى بصفتى الشخصية وطريقتى الساخرة من باب شر البلية ما يُضحك ، لا أقلل مما نحن فيه وإنما أعبر بما هو أضعف الإيمان .  

أعبر عن الاسلاميين بلفظ المتقدمين وغيرهم من الأحزاب بلفظ المتأخرين وهذا بالطبع حسب نجاحهم فى الانتخابات .

ساويرس ساب المحمول خايف عالمينى جيب يطول وعايز الخمر يفضل على طول .. قول قول مهما يكون الإسلام أفضل للكون . 

أقول للمتأخرين قِله قِله حتفضلو قِله ، الشعب المسلم مش قِله ، ولو مش عاجبكم اضربو بالقُله .

المتأخرين يبررون عدم نجاحهم يقولون ..

 - الشعب عينه مزغلله طلع من الضلمه عالنور معنى كده إنكم ما بتنجحوش إلا فى الضلمه .

- الشعب فى سنه أولى سياسه خلاص اصبرو الدورة اللى جايه حنكون فى سنه خامسه يمكن ننتخبكم .

- الشعب أمى وغير واعى خلاص غيرو الشعب بآخر يكون مثقف وواعى عشان ينتخبكم .

- المتقدمين سيطروا عالأصوات بكياس سكر صحيح بقى إن المصريين زى الشربات .

الإعلام والمتأخرين لسه بيمارسوا نظام الفزاعات ناسيين إن الشعب المصرى طلع مش بيخاف .

ليه الشعب اختار المتقدمين على الأقل دى ناس بتعرف ربنا ومش حتسرق فلوس البلد .

تهنئة لحزب النور على دخول الحياة السياسية ونجاحه فى الإنتخابات وحصوله على كرسى الإتهام ببرامجنا الحواريه .

أقترح إن مبارك وأعوانه يظهروا فى البرامج الحواريه بعد كام حلقه هما اللى حيطالبوا بالإسراع بمحاكمتهم .

ليه مبارك وأعوانه متجمعين فى سجن واحد طبعا علشان يفكروا مع بعض إزاى يكفروا عن ذنبهم ويصلحوا حال البلد .

 إنفراد حصرى للثورة المصرية بدأت بشباب الإنترنت وانتهت بشباب الشوارع .

تميزت مصر وتصدرت دول العالم فى لعبة عسكر وحراميه أصلها اللعبه الوحيده اللى بتلعبها صح .



اللهم الحرية والنصر لمصر ..

هناك 5 تعليقات:

♥نبع الغرام♥♪≈ يقول...

وحشتينى اوووووووووووووووووى


كل عام وحضرتك بخير

وبجد ليكى وحشه كبيره اختى الحبيبه

ربنا يطمنى عليكى

وربنا يتقبل منك

نهــــــــــار يقول...

السلام عليكم..
نسأل الله ان ييسر اموركم
والله يحفظ مصر ويولي عليها خيارها
..
دمتم بخير

نــســ,,ـــآئــمــ يقول...

يا الله..

حياتى نغم يقول...

السلام عليكم ورحمة الله وبركاته

نسائم
جزاكِ الله خيرا حبيبتى

بوركتِ وبوركت مدونتك

حاولت التعليق لديك ولكن يوجد مشكلة عندك فى التعليقات حاولى تغيير طريقة التعليقات .

♥نبع الغرام♥♪≈ يقول...

حبيبتى

يارب تكونى بخير ويطمنى عنك

اخبارك ايه

وحشتينى كتير